IX CONCURSO DE VIÑETAS

IX CONCURSO DE VIÑETAS

Dende a Deputación Provincial da Coruña no marco das actividades de comemoración do "8 de marzo" convócase o IX Concurso de viñetas , para reflexionar, concienciar e mudar mentalidades da cidadanía en xeral e da poboación adolescente en particular, sobre as mulleres na historia de Galicia co obxeto de visibilizar o emponderamento das mulleres como presenza fundamental no desenvolvemento da sociedade galega.

PARTICIPANTES

Poderán participar todas as persoas físicas, con idades comprendidas entre os 12 e 18 anos, de calquera nacionalidade, que se presenten individualmente ou en grupo.

Cada participante/s só poderán presentar unha única obra orixinal e inédita, escrita en galego e non premiada con anterioridade.

Non poderán participar as persoas que fosen premiadas con anterioridade neste concurso.

TEMÁTICA

Os traballos presentados versarán sobre:

• Historias das mulleres en Galicia.
• Biografías femininas galegas que visibilicen as súas obras ou legados.
• Empoderamento feminino na historia de Galicia.

FORMATO

A viñeta poderá presentarse en formato como mínimo DIN A4 e como máximo DIN A5.

A historia poderá estar composta por unha viñeta ou por un máximo de seis viñetas cun fío conductor.

Poderá empregarse a técnica libre.

A execución do traballo pederá ser manual ou dixital.

A obra presentarase en formato físico de papel.

A obra non poderá ir asinada co nome.

O idioma empregado será o galego.

PREMIO

CATEGORÍA A (idades comprendidas entre os 12 e os 14 anos)

Outogarase primeiro, segundo e terceiro premio.

Primeiro premio: consistirá nun IPAD AIR e unha colección de cómics.

Segundo e terceiro premio: consistirá nunha TABLET e unha colección de cómics.

CATEGORÍA B (idades comprendidas entre os 15 e 18 anos)

Outogarase primeiro, segundo e terceiro premio.

Primeiro premio: consistirá nun IPAD AIR e unha colección de cómics.

Segundo e terceiro premio: consistirá nunha TABLET e unha colección de cómics.

PRAZO E FORMA DE PRESENTACIÓN DOS TRABALLOS

O prazo de admisión de obras ábrese o día seguinte á publicación no BOP 7 de marzo de 2018 (8 de marzo de 2018) e péchase aos 40 días naturais (16 de Abril de 2018).

Para obter máis información poderase ir a web https://www.dacoruna.gal/servizos-sociais/area-igualdade/premios/concurso-vinetas/2018/