Cursos Celga
CURSOS PREPARATORIOS PARA AS PROBAS DO CURSO CELGA.
Obxecto:
A Dirección Xeral de Educación, formación profesional e innovación educativa, convoca, con carácter gratuíto, cursos preparatorios para a consecución dos certificados de lingua galega (Celga), para o curso 2018/19, nas escolas oficiais de idiomas de Galicia que se indican nos anexos I e II, da Resolución de 2 de agosto de 2018. Os cursos impartiranse entre setembro de 2018 e maio de 2019, en horario de mañá ou de tarde.
Beneficiarios/as dos cursos:
- Poderán ser solicitados por todas as persoas maiores de dezaseis anos, ou aquelas que os fagan no ano natural da convocatoria, que desexen preparar as probas convocadas pola Secretaría Xeral de Política Lingüística para certificar a súa competencia en lingua galega.
Cursos:
Os cursos preparatorios para os certificados de lingua galega (Celga) terán unha duración de 60 horas lectivas cada un.
Documentación:
- Solicitude Cursos preparatorios para os CELGA
- Unha copia do DNI ou NIE
- O certificado de discapacidade, de ser o caso.
Prazo de solicitude:
Ata o día 12 de setembro de 2018, para os cursos do primeiro cuadrimestre e ata o 11 de xaneiro de 2019, para os cursos do segundo cuadrimestre.
MÁIS INFORMACIÓN NOS SERVIZOS SOCIAIS DO CONCELLO.
LUNS A VENRES, DE 9:00 A 14:00 HORAS.
E-mail: servizos.sociais@vilarmaior.es