Rede saneamento O Castelo

Obra realizada ao abeiro da Resolución do 12 de marzo de 2021, pola que se aproban as bases reguladoras para a concesión de subvencións aos concellos, en réxime de concorrencia competitiva, destinadas á execución de obras de abastecemento, saneamento e depuración, financiadas no marco do eixe REACT-UE do programa operativo Feder Galicia 2014-2020.

A subvención concedida foi de 50.000 euros.

Os núcleos de O Castelo e A Rocha presentan un carácter rural clásico da nosa comunidade autónoma, coidado na súa paisaxe e pese as súas reducidas dimensión, cun número de vivendas significativo. As vivendas unifamiliares que existen, dada a súa antiguidade, están dotadas de obsoletas fosas sépticas, presentando fugas no subsolo, nalgúns casos con filtracións ás capas inferiores do terreo, contaminando os niveis freáticos profundos.

O obxetivo da obra é anular as fosas obsoletas, dotando ás vivendas dunha rede de saneamento público con condicións de estanqueidade e correcto funcionamento para que as augas negras non se filtren ao terreo contaminando os acuíferos soterrados, actuacións que a propia Corporación pretende realizar neste tipo de infraestructuras, centradas basicamente na sostenibilidade e modernización dos sistemas de saneamento.