O teu concello, aberto as 24 horas do día
entidadeslocais.dacoruna.gal é a porta á oficina do teu concello, aberta as 24 horas do día, todos os días do ano. Desde este enderezo dixital podes acceder á sede electrónica do teu municipio para realizar trámites sen ter que te desprazar, a calquera hora do día, os 365 días do ano.
Esta oficina dixital garante a seguridade do cidadán, que pode empregar diversos mecanismos para identificarse a través da plataforma Cl@ve. Unha vez dentro, a persoa usuaria pode solicitar subvencións, pedir licenzas, obter ao momento o volante de empadroamento, facer e consultar o estado das xestións iniciadas…
O funcionamento da oficina é sinxelo e intuitivo, pero se queres coñecer a fondo como empregala, inscríbete en calquera das sesión formativas que nos diferentes concellos están a impartir os axentes do proxecto PEL-Concello Dixital, unha das iniciativas da Deputación da Coruña de impulso á transformación dixital dos concellos de menos de 20.000 habitantes.
